Ngaihdam hi hnehna a ni

Hmanlaiin China ramah leilettu mi pakhat Kristian tha tak a awm a. A leileta buh chawm tur in tui a khuap a. A tuikhuah ah chuan nitin tui a ti khat thin a. Chu chu a ri pa chuan tlai lam ah a hawsan hnu in a tui dahkhawm sa chu ama leilet lam ah alo lak ruk sak thin a.  zing lama a leilet a ava kal chuan a tuikhuah tui chu a lo kam vek mai thin a. Mak a ti a, a thinur ta hle mai a. Phuba lak mai tur em ni, tih a ngaihtuah a.  Chiangzawka a’n ngaihtuah chuan phuba la in ka ri pa hi that ta ila, a faten min rawn bei let ve ang a, ka fa ten an beilet ve leh ang , a tawp ah chuan kan in that mang thei mai ang, tiin a ngaihtuah a. Phuba lak chu thil dik ber niin a hre ta lo va, Kristiante tih tur ni pawhin a hre lo va. Hetiang zawng hian a ti ta a.

A dila buh chawm nana tui a tih khah vek hnu chuan a ri pa dilah pawh chuan a dah khah sak ve ta zawk a. A ri pa chuan chu pa ngilneih zia leh thatzia a hriat chuan chuta tang chuan vawi khat mah a pawi a sawi leh tawh ngai lo, an ti. He Kristianpa hi a entawn tlak hle mai.

Phuba lak ai in ngaihdam hi a hlu in a hlawk a, a tha zawk a ni. Tih chu he thu a tang pawh hian a chiang mai awm e.