Thatna in aw niang…..

Khaw pakhat ah hian Nula pakhat fel takmai hi a awm a, a hming chu melody a ni a, khawtlang ah leh Kohhran lam ah pawh a theih tawp chhuahin a in hmang ve a.

Nimahsela sawichhe tu leh hnunglam atanga rel tu an awm reng mai si a, a hmel a tha in a taima bawk si a, a tih ni miahlo leh a awmdan ni miahlo te pawh dawt hmangin an sawi chhe char2 duh reng mai bawk si a. ,( an sawi peihnachhan pakhat chu a hmel tha in a Luck vang a nia) an khua tlangval te chuan an * rawn deuh laih laih a, mahse tuman an duh thu an hrilh ngam chuang silo. thik vang a nih deuh ber mai chu.

Zankhat chu a mut hmun ah a in ngaihtuah ta a, engtin nge awm ila mi te hian min sawi tawh loh ang awh a ti a. Ti hian a ngaihtuah chhuak ta a, lo chhiar zel phawt mai teh a ngaihtuah chhuah a hman dan chu…

A sawi chhe tu te chu theih tawp in hriat chhuah a tum ta a, ti chuan an hming a chhinchhiah zel a, a langsar zual te (1)Lalnuni (2)mahmuni (3) hmingtei (4) Tlani (5) Muantea (6) Siama…

Chutia a hriat chian zel hnu chuan an thian kawm ngeih ber  zel te chu hriat a tum leh ta a, a hriat leh vek hnu chuan Lalnuni thian kawm ngeih tak chu kawm na hun remchang a zawng hmasa ta ber a, kawmna hun pawh chu a nei zui ta mai a.

Lalnuni thian kawmngeih tak mai chu Thangi a ni a, thangi hnen ah chuan Lalnuni hi a fel a tih zia te Taima a tih leh a ni ang hi he khua ah hian awm vek selang chuan kan hlim tlang thei khawp ang ti te in a thiannu hnen ah chuan a fak ta malh malh  mai a,  thangi chuan mak a ti kher mai, chutia thangi leh melody an lo in kawm lai chuan Lalnuni chu  alo kal ve ta a, an pathum chuan an ti ti in Melody chuan fiamthu te an thawh a, an nui tlang in an hlim ve hle mai, an hlim tlan lai tak chuan Melody chuan ka haw a hun tlat tihtur neuh neuh te ka la nei sia ni dang ah kan la in kawm leh dawn nia u in bula awm a nuam khawp mai nuisang chunga ti in a kian san ta a.

Thangi chuan Lalnuni hnen ah chuan Melodyi’n a fak thu leh fel a tih zia te a hrilh zui ta zat mai bawk a, Lalnuni chu a zak ru ta khawp mai a, ka sawi loh tawp tur ka lo sawi thin a nih hi mawle a ti rilru ta neuh2 a, ti chuan alo in ngaihtuah harh ve ta a.

Chutiang zel chuan midang bul ah pawh chuan Melody chuan a ti ta zel a, a hnu thla hnih pawh a liam hma chuan Melody chu a sawichhe tu te khan an fak let ve ta liam2 zel a, Melody nun chep ru tak pawh chu a lo hahdam ve ta huai mai a.

Melody chuan  IPetera3:9       sual, sualin thungrul suh ula, hauna haunain thungrul hek suh ula, malsawm hlauh zawk rawh u. He mi avangin koh in ni si, malsawmna chang tur hian. Tih leh ROM 12:21     Sual ngam chein awm suh la, thatnain sual chu ngam zawk rawh. tih hi a changvawn a lo ni ta reng mai a, Lalpa hnen ah lawmthu sawi in a tawngtai ta a.