TITANIC LAWNG

BigDaddy te ho in Titanic chungchang vel hi chu an lo ziak nual tawh a, mahse kan tar lang ve leh a nge.

Kum 1912-a khawvel lawng lian pil ta Titanic kha kan la hre theuh awm e. Kha lawng kha a ropui leh len em avangin "Pathian meuh pawhin a tipil thei lovang" an tih thin kha a ni a, mahse a pil ta tak2 a, chhanhimna lawnga chuang ve theilo mi 1528 zet te chu kha zan khawvawt tak hnuai ah khantui ah a pil pui ta a, tui a pil zing ah chuan mi 6 chauh an damchhuak a ni.

Kha Titanic lawng lian ah khan Scottish mi pakhat Pathian thuhriltu John Harper-a hi a fanu kum6 mi lek Nana nen an chuang ve a. Chicago-a Moody Church-ah thla thum chhung thuhril tur a an sawm a vanga kal an ni. Kha tia lawng ina vurtlang a sut a a pil tan tak ah khan Harper a chuan a fanu chu chhanhimna lawngleng ah a dah fel te te a, tichuan a rawngbawlhna pawimawh tak mai leh hnuhnung ber tur chu a thawk tan ta a ni.

Tui vawt tak mai in lawng a rawn chim mek lai khan Herper-a chuan, "Hmeichhia leh naupang te chu chhanhimna lawngah lut rawh u" ti in a au thawm a hria a. A hnu a dam khawchhuak te sawi leh dan in Harper-a chuan a life Jacket (tuia pil theihlohna kawr) chu a hlip a, midang a pe a,  " Min ngaihtuah suh u, ka pil dawn lova, chunglam ah ka chho zawk dawn a ni" ti in a sawi a. Lawng chu a pil tantirh chuan passenger 1500 chuang zet te chu vur tui vawt tak ah chuan an zuang thla hlawm a, chu tui vawt tak ah chuan an khang a vawt tiin an thi thuai hlawm a. Chutih lai chuan Harper-a chuan tui a pil mek te chu an thih hmaa Isua Krista pawm turin a lo hrilh mawlh2 hlawm a.

Mi 1500 vel Titanic in a pil pui te atang chuan mi 6 chauh nungdama chhanchhuah an ni a, chung zing ah chuan tlangval pakhat Harper-a'n a nun a tih danglam hnuhnun ber chu a tel ve a. Chu tlangval chu lawng kehthem pakhat ah hian a in ham tang a, a bul mai ah chuan Herper-a chu tui ah a in ham tang hram2 a. Herper-a chuan, "Chhandam i ni tawh em?" tiin a zawt a, chupa chuan "nilo" ti in a chhang a, Chutah Herper-a chuan Bible chang a mi pakhat rawn sawi chhukak in, "Lalpa Isua ring la tichuan chhandam in i awm ang" a ti a. Chupa chu a ngawi reng a, tuifawn chuan a len sawn ta daih a.  A hnu deuh ah chuan tuifawn chuan Harper-a bul ah chuan, midang pakhat nen hian a len phei leh a. Herpar-a chuan "Chhandam i ni tawh em?" ti in a zawt nawn leh a. "Nilo" tih chu chhanna awmchhun a ni.  Thei leh theilo hian Herpar-a chuan, "Lalpa Isua ring la tichuan chhandamin i awm ang" a ti a, tichuan tui fawnah chuan a pil hlen ta a. Tichuan chuta tang chuan chupa chuan Isua Krista chu a pawm ve ta a.

Kum li hnu ah chuan Titanic atanga damchhuak te intawhkhawmna Ontario, Canada-a an neih tumin chupa chuan mittui tla zawih zawih chungin John Harper-a'n a nun a khawih danglam dan chu a sawi a ni.